اللي يهــوّم ما يقـوّم

قصيدة ولد الغابة..راحوا عليه.
    اللي يهــوّم ما يقـوّم ، واللي قانــع ما يعيــــفـــوه النـــاس

وسْبــاب الهلاك تطــمع وسْبـــاب النجاة تقـــطع ليــــاس
صـفة لحـــرار يا لـــخـــوا عفة والـثبات عـــند المـــحال

هذي شدة جايتـني حتى نصـــبر كيــف ما كـــان الحــــال
كامل كاع الناس تنــكر واللي عـرفك عيب فيـه النكران

ونـا بالنــية نــساعــف وقريت الحيـــلة ودايـــر لـــمـــان
    الــــولـف يخليـك تامن والعــشق يخلــيك تعـــطي لسـرار

ما هو غرض الريم يرحـل هذي هي  الكايـنة في لقـــدار
وانت هايم غير تطعـن تسمع لخــبار جايـة مــن لبـــلاد

اللــي قالوا ذيـك بنت البــاشا والــلي دايـــها من القــيــاد
 جات اللوطو غير تزحف تسوى مليار قول فوق المليار

مين نجيب ومين نعقب واخْت مريضة قاعدا لي في الدار
حطـت عينــيها قبـــالــي والعـراســــة كالـــذبان معــــاه

واش تـفــكرتــي علـيا قولــي واش نبانـــلك في مرعـــاه
صَبحَـت في حمّام ربــي كاع بــلاد ولاد خـــالد ضــوات

شكــون اللي قال بكـري حكْــم البــاشا كان كايــن وفـــات
هذا الفارس كان نايم  ونا وحــدي في هواها معـــروف

واش يجيب جديد عاشــق ونا قــبله في نهــاري ونشوف
العام يبان من خريفه كي حجبـــوها ناوييـــن الخـــذلان

قال مريضة وقال ضــيفة ، وقال توصّل خالــتك للكيـران
ونا عــمري ما نعـــفس ما نتشرط ما طمعـــت نلاقـــيك

غير وْصال ميمتي كي يهدف ذاك الشوق فرحـانة بيــــك
درتـــونـيا طـــريق ليكـــم ونابـــيا طّلعــوا في لســـــوام

مشي كاع العام خـوكم وعـــلى التالــي تعيــطولي هــوّام
قولتــوا هيا ليك واخدم وانت ليـــها والقـــدر لمواليـــك

والــلي يهــدر راه يهــدر والجـــنية ما تعــيش بلا بـيـــك
ناس سعيدة كاع شهدوا والعشرسنين ما تكـذب شـواف

خالـك يحلف بالحشــايم ويقول ابشــر راه عندك لكتـــاف
يا مولاتي كــــــل حاجة سكـــنت بالــي غير هـو يديـــك

لوكان المرض غير نمرض لوكان الموت طول بيا نفديك
لو كان حفظـتي العاهد ولا قلـــتي غـــير كلمة سْمــــاح

يبرد قلــبي بالزعــاف علــيا ولا نطـــير بالنــص جْنـــاح
جات الغـــلبة غـــير ليا لوما انــتـيا ما تضرك غــلبــات

كيـما تبغي يوصلــك مرغــوبك و نا ما نــوصل هـــيهات
غادي نحلف  ما نولي لبلاد السم ينــشرب في الكـيسان

الزيــن المعـلــوم كايــن وافعـــاله كــيما فعـــال الثعــــبان