قصيدة الدعروب
يَا رَبـِّــي يـَــا خَـــالْــقِــيْ وأنـــتَ تــكـتَــبْ
* و نْسَاعفْ في اللّي قْضى واللّي مَكتوبْ
لاَزَمْ تـَــصـــبـــرْ للسْبَــايِــــــبْ تَــتْــقَـــلَّـــبْ * وارْقَبْ هَذا الكَون فــيه شْتاتْ غْــيُوبْ
صَرْفْ الدنيـا مَا تْـــصَفِّــي مَا تَــشْــــربْ * قُــــــولْ
أنــتَـا لِـيـَــاه مَحْـــلُوبْ وَمشْــــُروبْ
قُولْ شْكُون يْسَاعْفَــك وأنــتَ تَـــخْــطُبْ *
وبْنـــَـاديرْ شيوخ مَـخْـــتُـــومَـــا بَــحْجُـــوبْ
النـّـفْــخَـــا بَرْمَادْ في الــقَــــصْبَـــا تـَــلْـــهَبْ *والغَــافــَـــلْ مَسْــــدُودْ ما يَعــــرفْ
دْرُوبْ
سَـــايَـــلْــني واللّــي انْفْـــضَحْ مــا يَتْــنَــــقَبْ
* مِيـــزانهْ خْــفــيفْ فـي الـــزّازا مَغْــــلـــوبْ
حَـــــيـْـطْ الـرمــلا ما يْغَـــوي مَن يـَــرقـَــبْ *واللّـــــــي يــَـبــْـنـِــي مـــا يْعَلّيـــهَا
بالطُّــــوبْ
أيــّـامـَـــك يــاعـــافــــيَا ماهيـــشْ قْــــَرَبْ
* والماضي مانـــيـــش قــَـــادر فِـيــه نْــتُـــوبْ
شـَاخَلـــيتْ وشَــادِّيـــتْ على لَشْهَــــبْ *يــَاحســــراه
شْـــحَــــالْ جَـــرّاني مَكْـــلُوبْ
راح قْـــبــال الــــزّيــــن ذا عَــــوْدْ مـْـــدَرَّبْ*ومْـــــــصَيَّل
وَزادْ فــــي دَار الـمـَــشـــــرُوبْ
يَتْبَخْـــــتَرْ وشْحــال زهَّانـــي يَعـْـــجَـــــبْ
*ومْـجَرَّبْ تْقُــــولْ قــَـاري عَشْـــرَ كْــــتُــــوبْ
ويـْـــن نـْـــروح وكـُـــل شِــــي ولّـــى يــَنْدَبْ
*فُــــوقْ العَــــين وتحــتـــــها قلبـــي مَسْلُــــوبْ
نـــتــفكَّـــــر كـِــي راحْ وَلْــــــفِــــي وتْغَـــــرَّبْ
*فـي دَخْلـَـــةْ بَالــُــول يلْــــغَانــــي
بــَــهْبُــوبْ
كُـل نْـــهار نـْـــقـَـابْلــــك كاعد نــــحسب *نَتْـــــوَجَّهْ
لــــلـــعاصــــما خَـــــطْ الخَــــرّوب
سَالـي عنــّي ذي الحْيـُــوطْ لْيــَــا نَكـْــــذبْ*يـــــالـوكان
تْـــعِــــيدْك لـَـخْــبَــــارْ تْـــذُوبْ
مـَـايــَخــــفاش عْلـــيك قَاعَـــدْ للمَــــغْـــربْ*حـــال
بنــــادم هـَـاكــــذا وحدَه ويــْجُـــوبْ
خـَليــــــني ياخـَـاطـري نلْــــقَــى مَـــهـْـــرَبْ*وانـــتَ
ضُـــرَّك فاتــْــلي حَــــق الـمَــطلــــوب
يــا كــيـــفاهْ تكُــــونْ يـــــا طَـّلاّ تَلْــــهـَـــبْ
*يا شَمْس بلا غيــم ضَـــــوَّاتْ الـــدّعـْـــرُوبْ
مــانــخلـــفْـــشْ نهــــار فـَـوتْــنــــاه غْصَـــب*نَعْـــيَا
نَخْلــفْ ما نْـــوَصَّــلْ للـــمَــكْــــتُــوبْ
قلــتِي ليْ لــو كان يبــقى جَـهْدَ عْــصَـبْ* نُوصَلّــك
ونْـــحَنــْــطَــكْ ياذا الـــمَــسْلـُــوبْ
قُلْـــتَـلْــهــــا مُــحال قالــــتْ لــــي نَجْـــرَبْ*ولاَّ
يــَـقْــطَـــعْــنــِـي الـــمِيعـَـاد الـمـَضْـــروب
فـِـي بـَــالـك رانــي مْصـدق ومـْـــجَـــرّبْ*ذا الـمَـدْعِــــــيَــة
ما يـْــحَبـَّــسْهَا مَــجْـدوبْ
هــذا قـــــلْبـي راه عَـــندكْ مَــتْـــعـَـــذَّبْ
*وهـــذا بـَعْدْ شحال ذابـَتْ فيــــه قْـــلــُـوبْ
تعليقات
إرسال تعليق